Der Gornig Gilbert is in Deggendoaf 1950 aufd Weid komma, dann hoda d`Jurisprudenz und politische Wissenschaften in Rengschbuag und Würzbuag studiert. Nachat woara Rechtsreferendar im Oberlandesgerichtsbezirk Nürnberg, und dann hoda im Joa 1984 nacham zwoaten Staatsexamen beim Professor Blumenwitz Dieter in Würzbuag an Doktor gmacht. Im Joa 1986 woa sei Habilitation. Dann hoda d`venia legendi füas öffentliche Recht, Voikerrecht und ausländische öffentliche Recht griagt. Nach Vertretungen in Mainz, Beireuth und Göttingen hoda im Joa 1989 a Steijn in Göttingen bei de Preissn ohm griagt. Da drohm woara Direktor des Instituts fürs Voikerrecht und aweng späda 1994/95 Dekan. Seid Aprui 1995 isa an der Philipps-Universität in Marbuag. Do hoda an Lehrstui fürs öffentliche Recht, Voikerrecht und Europarecht oda irgend soan Schmarrn. Danem isa geschäftsführender Direktor des Instituts füas öffentliche Recht. Bis zum 15. Juni 2004, bis eam zvui worn is, woara Richta am Hessischen Verwoitungsgerichtshof in Kassel, des is a da drohm bei de Preissn. Danem is a Sprecha der Forschungsteijn fürs Finanzdienstleistungsrecht und d´ mittelständische Wirtschaft und der Interdisziplinären Arbeitsgruppm Europa, ois bei der Philipps-Universität in Marbuag. Seit Oktober isa Dekan des Fachbereichs Rechtswissenschaften. Am 13. März 2003 hoda d´Ehrendoktorwürde der Universität Pécs – des is da drunt in Ungarn – griagt, am 20. März hoda d´Ehrendoctorwürde der Lucian Blaga Universität Sibiu - des  is drunt in Rumänien -  griagt und am 10. Dezember 2009 d´Ehrendoktorwürde der Universidad Autonoma  de Chile in Temuco, in Chile drübn, deren Gründungsmitglied  er a is. Seit 1. September 2009 isa Präsident der Danziger Naturforschenden Gesellschaft.

In de Vorlesungen red er üba ois, was mitm öffentlichen Recht zdoa hod. Danem schreibta da drüba vui, a bisl was davo übersetzt in zehn Sprachn. Am liabsten mog a des Voikerrecht un redn in Vorträgn duada a recht gern.

Verheiratet isa a mit a Apothekerin, die Doris hoast, und Kinda hoda zwoa, an Christopher und d´Carolin.